Hölt leiðir blinda..

Mikið að gera þessa dagana. Vinna, ritgerðar- og fyrirlestrasmíð, fimmtugsafmæli föður míns framundan..

Rosalega var Divudagurinn 2006 frábær!!! Við viljum þakka Guðjóni snillingi og Sollu sminku kærlega fyrir að leggja sitt af mörkum.. Við hlökkum til að sjá afraksturinn

Og takk þið sem hafið verið svona sæt við mig og komið til mín alls konar skilaboðum vegna frumraunar minnar á skjánum gaman að vita að þið voruð að horfa :) knús til ykkar allra!

Note to self: Ekki að drekka 8 skot af Tequila og Ópali á einu kvöldi. Hvað þá með stuttu millibili.

Ýkt gaman með Írisi og Láru á fös. Missti hökuna í jörðina við að sjá mannfjöldann í Októberfesttjaldinu. Og Toggi rokkaði þokkalega á Hverfis á lau. Ef hann mun ekki slá í gegn má ég hundur heita!

Annars hallast ég að því að síminn minn sé hleraður. Það bara hlýtur að vera. Allir eru með hleraða síma!

TRISKAIDEKAPHOBIA

Almáttugur. Er fólk ekki alveg í lagi?? allt er nú til!!

Finnst ykkur ekki æði að fá sms frá mæðrum ykkar? Það finnst mér. Ýkt gaman að lesa þau. Móðir mín skrifar nefnilega alltaf sms eins og hún sé að tala við mig í símann eða eitthvað. Fékk til dæmis eitt í dag og það endar svona: “Bless í bili elskan mín”. Awww Mér finnst alveg æði hvernig hún gefur sér alltaf tíma til að skrifa elskan mín inn í öll sms

LOKSINS er Twiggy mín komin upp á stofuvegg. Hún tekur sig út með mikilli prýði. Ég hafði verið að vesenast með að hengja hana upp of lengi, vantaði aðstoð við það og gleymdi alltaf að kaupa nagla, og ég meina, hvernig á ÉG að vita hvort veggurinn sé úr tré, gifsi eða steini, ég meina kræst sko hehehe.. en þetta leystist á endanum, minn yndislegi yngstibró hjálpaði mér að hengja hana upp og við skiptumst á efni á flakkaranum um leið, góð systkinastund.

Vil endilega benda áhugasömum á hljómsveitina Full Speed Power Party. Opnið endilega linkinn. Þetta er ný hljómsveit miðjubróður míns og lagið sem spilast þegar síðan er opnuð er ÞRUSUGOTT!! Ég fæ það algjörlega á heilann!

Svo er það bara áfram Ísland í kvöld. Endilega að halda hreinu. Þó ekki væri nema til þess að ég þurfi ekki að bera fram nöfn Lettanna í tíufréttunum

Sá fyrsta þátt nýrrar seríu af The Biggest Loser á Skjá einum. Eða, “nýrrar seríu”, það er ekki alveg réttnefni, ég er til dæmis löngu búin að sjá þetta í Englandi. Þess má geta fyrir áhugasama að tvær fitubollurnar verða ástfangnar og gifta sig. Awww.

Þessum þætti fylgir ákveðin siðferðisleg spurning. Vissulega er ágætt að þeir sem eru of þungir fái þarna hvatningu til þess að breyta lífi sínu til batnaðar og snúa til heilsusamlegra lífs. Enda er hættulegt heilsunni að vera svona ofboðslega feitur. Keppendur í fyrri seríu náðu ótrúlegum árangri og myndu barasta flokkast undir heilsufrík í dag. En allt er þetta gert fyrir framan sjónvarpsmyndavélar og í því skyni að græða á þessu, þetta er jú eftir allt saman entertainment business. Það er eitthvað verulega rangt við það að sjónvarpsáhorfendur séu að fylgjast með fitubollunum (eins og þetta er iðulega þýtt á Skjá einum) og mikil áhersla sé lögð á það með myndatöku að sýna brjóst karlmanna, skvap, stóra rassa og miklar vambir, örugglega í þeim tilgangi að áhorfandinn hugsi með sér “ojjjjjj bara..”, keppendum er gert að standast gríðarlegar freistingar með því að vera innan um kökur og önnur sætindi og þar fram eftir götunum.

Offita er jú sjúkdómur. Þetta er fíkn. Fíkn í mat, sykur og stóra skammta. Þetta er svipuð fíkn eins og áfengisfíkn. Hvernig yrðu viðbrögðin ef þetta væri ekki um feitt fólk, heldur alkóhólista? Hef svona á tilfinningunni að það þætti heldur ógeðfellt. Freistingarnar væru ekki lengur í formi marengs og súkkulaðis, heldur bjórs og tvöfalds gins og tóniks. Það þætti örugglega ekki sniðugt. Það er bara þannig að offita þykir fyndin. Fólki finnst eitthvað skemmtilegt við að sjá fólk sem getur varla gengið upp stiga vegna slæms ásigkomulags púla og svitna með tvo sjúklega hot einkaþjálfara sér til aðstoðar.

Og er það ekki pínu sikk?