Hölt leiðir blinda..

Vil byrja á því að óska Huldu og Gassa innilega til hamingju með hjónabandið Aldrei leiðinlegt að sjá vinkonur sínar gullfallegar í brúðarkjól! Takk fyrir mig elskurnar xx

Jæja þá er ég hætt hjá Icelandair, amk í bili. Þetta var orðið ágætt – komin með nóg af ókurteisum og frekum farþegum.. og þeim sem ekki kunna stakt orð í ensku, bulla eitthvað við mig á japönsku og finnsku, til dæmis. Einn farþeginn bað mig til dæmis um “kúk” í dag.. væntanlega verið að biðja um KÓK heheh.. mér fannst það broslegt. Enda finnast mér ófarir annarra stundum fyndnar Annar benti á miðann sinn og babblaði eitthvað á japönsku, var greinilega að spyrja mig að einhverju.. en ég gat ekki fyrir mitt litla líf lagt saman tvo og tvo um hvað í fjandanum hann var að spyrja!! Og frjáls frá sprenghlægilegum hreimum: “Voter, vizát eis” hehehehe.. var soldið þreytt í dag og þráðurinn í mér var frekar stuttur, átti erfitt með að láta farþegana ekki fara í taugarnar á mér – einfaldlega vegna þess að enskumælandi farþegar voru fáir í dag og það fólk gerir sér oft ekki grein fyrir að það er hreinlega ókurteisi að toga í kjólinn manns og æpa “koffí, KOFFÍÍÍÍ” án þess að segja “please”, enda kunna þeir það ekki

Nú hlakka ég mikið til að takast á við nýja og krefjandi vinnu. Gott að stinga sér til sunds í djúpu lauginni – er fílefld og til í allt! Jájá throw anything at me og ég mun takast á við það Enda fór ég á minn fyrsta blaðamannafund um daginn, tók viðtöl, klippti þau svo til, skrifaði frétt og las hana svo í útvarpið. Fannst ég hafa afrekað eitthvað skemmtilegt Svona þarf lítið til heheheh..

Fæ örugglega flugfiðringinn aftur samt seinna. Vinnan hefur svo sannarlega sína kosti, eins og ég hef svo oft bloggað um

en í bili, bless bless hattur og að vakna og mála sig klukkan 05.00 á morgnana en mest af öllu, BLESS NÆLONSOKKABUXUR KLUKKUTÍMUM SAMAN Í VINNUNNI!!

Frá því að ég bloggaði síðast hef ég:

- skrifað 3 fréttir í 6-fréttatíma útvarpsins, 2 um golf og eina um skoska boltann
- misst röddina
- smsað fyrir milljónir króna (örugglega)
- eignast leynilegan aðdáanda
- hulunni verið svipt af leynilega aðdáandanum
- verið boðið á ALVÖRU deit
- séð Volver, sem er æði eins og við var að búast
- séð eina bestu leiksýningu sem ég hef séð lengi, Penetreitor
- staðið upp og klappað af mér húðina í leikhúsi
- farið aftur til New York
- misst röddina, aftur!
- verið boðið á annað deit af öðrum manni!
- hitt Gisele og þrjár aðrar súperfyrirsætur í New York
- mætt einu sinni í skólann eða svo
- hefur fóbíska Lovísa heldur betur gert vart við sig
- hefur fóbísku Lovísu verið sagt stríð á hendur
- farið í síðustu ameríkuferðina í bili
- hlustað endalaust á Chasing Cars
- hóstað og hóstað og hóstað
- afþakkað deit hjá þriðja manninum

suma daga er maður bara heitur. aðra minna heitur.

við KLG að missa okkur úr hlátri yfir þessu í gær, Gunnar í Krossinum að rappa:

http://www.this.is/alliat/mp3/gunnarskaffi.mp3

nú er bara allt í gangi! veit ekki hvar ég á að byrja að blogga!

-Hulda gæsuð
-NYC með örverpinu, Herði bróður
-bíll keyptur
-ráðin í nýtt starf

nenni ekki að segja neitt, bara myndir í þetta sinn!

og já nýja starfið er semsagt svona Abercrombie starf – ég verð í bikini einum klæða í anddyri Abercrombie&Fitch á 5th Avenue í New York að láta dást að mér.

iiii djók.

verð bara að þakka fyrir frábær viðbrögð við singletons vs. smug married pistlinum! gaman að fá svona!!

já og ég er flutt inn á S37. JIBBÍ!! Óð í IKEA og keypti mér húsgögn eins og hafði alltaf staðið til síðan ég keypti. Vildi audda ekkert leigja hana út með fínum húsgögnum Það er allt annað að sjá slottið, alvöru pæjuíbúð núna!

En sá galli er á gjöf Njarðar að ég þarf að bíða í að minnsta kosti viku eftir nettengingu. Svo ekki verður mikið bloggað á meðan.