Já var það ekki??? einhver risa bóla að byrja að myndast á nebbanum á mér. Týpískt. Áramótin framundan og ég ætlaði að vera ógissla sæt. Plan B verður þá sett í gang – að vera bara ögn minna sæt 
Góður rúv-hittingur í gær. Aðsóknarmetið slegið, held ég hafi talið 17 þegar mest var. Stalst til að taka mynd – mikil gleði hjá dyraverðinum. Æh who cares, I’m a tourist, I need memories!! M.a.s. farin að gleyma íslenskunni..
fyrir utan vibba veður öll jólin þá voru þetta bara asskoti góð jól. Aðfangadags-lundinn var góður og meira þarf eila ekki til að fullkomna kvöldið. Bjarki, ég og mor borðuðum sum sé saman og ég lagði svita og´tár í það að gera traditional forréttinn hans, en svo fann hann ekkert bragð öll jólin!!!$&%”%$ En af sjálfsögðu var hann fullkominn hjá mér. Bjarki fær amk aldrei að vita annað. Svo fórum við í pakkageðveikina´hjá systur minni. Viktor 5 ára var ekki alveg að höndla álagið af öllum þessum pökkum, bara eins og 5 ára stráki sæmir. En djöfull er mar orðinn fullorðinn. ekki nóg með að við erum komin með íbúð bíl og næstum barn, heldur var okkur líka sagt að velja glasa-línu eða e-ð álíka yrir jólin! þannig að jólagjöfin í ár voru glös og við getum loksins haldið posh hvítvínsboð:)
Svo er það hið dularfyllsta mál hvert öll jólaaukakílóin mín fóru. ég var alveg búin að búast við því að þyngjast vel eins og óléttri konu sæmir, en það gerðist ekki. Ég hef hinsvegar grun um að þau hafi öll farið í nefið á mér í staðin. Ég er ekki að grínast en það hefur stækkað um amk helming frá því fyrir jól. Og nottla bara andlitið allt. God damn you bjúgur!!
SVo vorum við hjá ljósunni áðan og hún var bara á því að hún færi að koma út á næstu mínútum. Við vorum ekki sammála því. Ég er líka búin að ræða þetta við bumbuna and we have a deal…hún líka veit að það er ekki sjéns að fá mynd af sér í blaðið nema að hún fæðist í fyrsta lagi á nýársnótt.
Það breyttist margt á þessum jólum hjá mér. Á Þorláksmessu var ég að gramsa eitthvað inní búri og fékk þar nett sjokk – ég sá hamborgarhrygg!!! Venjulega eru borðaðar endur hér á aðfangadag, en það kom í ljós að Ívar bró hafði sannfært foreldra mína um að skipta þessi jól. Ég var alveg reiðubúin að fara í massa fýlu, þar sem ég virðist vera ein af mjög fáum sem finnst hamborgarhryggur bara ekkert spes!!
Á jóladag er jólaboð heima hjá okkur. Þá er hangikjöt með öllu tilheyrandi og 25 manns í mat. Þetta árið var ákveðið að sleppa því að borða og hafa bara kaffiboð. Ég varð enn sárari. Ekki nóg með að það ætti að taka af mér endurnar, heldur hangikjötið á jóladag líka. Ég sá fram á leiðinleg matarjól.
Svo rennur aðfangadagur upp. Ég er búin að búa mig andlega undir átök dagsins við skap móður minnar. En viti menn, það kemur snarlega í ljós að eitthvað er alveg gjörbreytt – Móðir mín er alveg sallaróleg allan daginn. Já, ótrúlegt en satt! Venjulega er hún á háa c-inu allan aðfangadag, alveg þvílíkt stressuð eitthvað, sveitt yfir pottunum frá hádegi. Núna var bara í einhverju tsjilli þangað til klukkan fjögur eða eitthvað. Ég skildi ekki neitt! Og það sama á jóladag, sem venjulega hefur reynt enn meira á hljóðhimnu heimilisfólksins, nei nei klukkutíma áður en gestirnir áttu að mæta vorum við fjölskyldan í rólegheitum að borða heimatilbúna kæfu, primadonna ost og drekka jólate. Eitt augnablik hélt ég að mamma hefði verið numin brott af geimverum meðan ég dvaldist í Leeds og rólegra klón verið sett í staðinn – en mundi þá að hún hafði sent mér vel valda tóna í símtólið nokkrum dögum áður um að ég ætti að ryksuga í skrilljónasta skiptið fyrir jólin. S
vo rann þetta einfaldlega upp fyrir mér. Það er bara miklu léttara að elda hamborgarhrygg heldur en nokkrar endur og það er miklu einfaldara að taka tvær kökur úr frystinum heldur en sjóða nokkur hangilæri og baka upp jafning. Þetta borgaði sig svo sannarlega á endanum að breyta til. Þótt að ég hafi ekki verið æst í jólamatinn, þá var móðir mín alveg sallaróleg allan aðfangadag og jóladag og það var eiginlega alveg þess virði. Við fjölskyldan borðuðum saman hangikjöt í rólegheitum á jóladagskvöld, spiluðum og kúrðum saman öll uppí hjónarúmi að horfa á sjónvarpið, og á eftir fer ég í hitt fjölskyldujólaboðið og borða enn meira hangikjöt. Svo þetta hafa verið alveg yndisleg jól.
You taste like chicken. Your succulent thighs,
legs, wings, and breasts melt in the mouth.
Your crunchy outer coating barely hides the
juiciness within.
How do you taste?brought to you by Quizilla
Þessi helgi hefði ekki getað verið meira jóla, ss akkúrat eins og síðasta helgi fyrir jól á að vera. Ég og litli indverjinn fórum á jólatónleika óperukórsins á laugardaginn sem voru mjég fínir. Þetta var í aðventistakirkjunni sem er pjúni, þannig að mar þurfti að berjast með kjafti og klóm til að halda í sætið sitt og vera ekki ýtt út af bekknum. Þatta tókst merkilegt nokk, því að með þessari bumbu hef ég nebbla öðlast meiri frekju í að láta ekki “vaða yfir mig” – sem mér finnst bara gott…gæti hafa farið útí smá öfgar um daginn þegar ég bömpaði gömlum kalli með hækjur í burtu þegar hann reyndi að troðast fram fyrir mig í röð MUAHAHAHHA….falalalala lalalala..
En já, svo var jólahlaðborð hjá vinnunni hans bjarka um kvöldið. My first one þannig að nú er ég jólahlaðborðs virgin no more. Ég náði að hemja mig í átinu þangað til í eftirréttinum, en þá var líka í boði e-r yfirnáttúrulega góður súkkulaðibúðingur sem meira að bugaði hörðustu karlmenn. Ég vissiggi að það væri hægt að gera svona góðan búðing…sóun að geta ekki drukkið allt fría áfengið samt….ég bæti það upp á næsta ári.
Jáh. Svo í gær var vaknað ALLT of snemma til að fara til mömmu í hinn árlega sörubakstur. Ég er nb söru Snillingur því að eftir áralangar tilraunir er ég búin að fullkomna hitastig krems og smjörs and what not þannig að útkoman er bara góð. Ok snillingur er kannski full mikið en amk finnst okkur þær bestastar í heimi. Svo í gær fórum við Lou að hjálpa til í miðasölunni á jólasöngvunum, og fengum að hlusta á tónleikana að launum. Mér var reyndar skipað að sitja bara kyrr allan tíman vegna bumbustærðar á meðan lou reif af miðum . þannig að ég átti kannski ekkert rosalega skilið að fá að hlusta en ég sat bara sem fastast. Þetta voru nottla æðislegir tónleikar eins og alltaf. Hvernig geta jólin byrjað áður en mar heyrir Ólu syngja “Ó helga nótt”!?!?! jah, mér er spurn. Svo var bumbulína greynilega frekar skotin í Garðari thor því að hún sparkaði bara þegar hann söng. mér líst eila ekkert á þetta…hún stefnir í e-a mega Dívu, pósar dívupósu fyrir sónarinn og flörtar við tenóra. Punkturinn yfir i-ið var svo að koma heim og sjá að kallinn var búinn að sækja fullt af jólaskrauti til tengdó og allt var skreytt og kertin og jólatónlistin on:) hann er bestur:)
Hulda vinkona stígur á stokk í Idolinu í kvöld – við munum fylgjast með henni á risaskjá á Hótel Loftleiðum í kvöld, sérpartý fyrir hana. Við kjósum hana að sjálfsögðu og hvet ég lesendur þessa síðu að gera slíkt hið sama
Mikið ofboðslega er erfitt að vakna! Hlýtur að vera vegna þess að ég fékk ekkert að taka dimmuna í skrefum, heldur bara krassj búmm bang ógeðslega dimmt á morgnana = heilinn heldur að það sé enn mið nótt. Ferlegt alveg.
Svo gott að sjá stelpurnar mínar aftur. Hlakka til að hitta restina Fyndið samt hvað manni finnst næstum eins og maður hafi aldrei farið. Fékk þó netta heimþrá þegar ég labbaði inn á Sólvallagötuna í gær til þess að kíkja í geymsluna mína – langaði bara að henda leigjandanum út og flytja inn. Vera í kósí litla hreiðrinu mínu og hengja upp fínu jólakúlurnar sem ég keypti í Köben. Ahhhhh. En það bíður betri tíma.
Nú þarf ég að skrifa ritgerðir. Fattaði auðvitað að ég gleymdi uppkastinu að annarri þeirra heima í Leeds – hvar var hugurinn eiginlega þegar ég pakkaði??? Læt Idu kannski senda mér það. Hún sendir mér tölvupóst á hverjum degi – saknar mín alveg voðalega. Greyið litla. Allavega, þarf að ná mér í orðabók og þýða ritgerðarefnin – svo artí að ég skil ekki neitt:
“Beckett’s texts [...] expose what is simultaneously a schism between the experiential and the aesthetic and a metamorphosis of the one into the other”. Discuss with reference to the theatrical potential of at least two of the Beckett plays explored in this module.
Aha. Einmitt. Akkúrat. Best að skella sér í að skrifa 2500 orð um þetta. (!!!!!!!!!!)
jáh ég sé sko ekki eftir því að hafa stoppað í Köben. Það var alveg sjúklega gaman!!
Ég kom á staðinn hálfdösuð og alveg í ruglinu, því ég hafði verið í stressi fyrir flugið. Þegar ég var mætt út a lestarstöðina í Leeds til að komast á flugvöllinn í Manchester, uppgötvaði ég að ég hafði gleymt fartölvunni heima. Tíu mínútum áður en lestin átti að fara. Ég hentist heim til að sækja tölvuna og náði næstu lest. Sem betur fer höfðum við Desiree ákveðið að taka lestina snemma. Taskan mín var viðbjóðslega þung og ég var upp á náð og miskunn check-in starfsmanna komin – endalausar þakkir til gæjans sem tékkaði mig inn frá Köben sem hallaði sér yfir borðið og hvíslaði “taskan þín er ALLTOF þung, og þú ættir eiginlega að borga fullt af pening.. en… hér er boarding passinn þinn.. góða ferð”. Mig langaði að knúsa hann. Gaf honum geislandi bros og óskaði honum gleðilegra jóla. Allavega, síðar kom í ljós að ég hafði líka gleymt náttfötum og sléttujárninu mínu. Mamma á sem betur fer sléttujárn og ég keypti náttföt í H&M.
Það var svo bara djammað útí eitt í Köben, Dóri bættist í hópinn og við djömmuðum til sirka sjö um morguninn, slysuðumst inná bar sem við vissum ekkert að væri opinn svona lengi. Snilld. Ég vakti semsagt í 27 tíma og svaf svo í fjóra. Fór í Tivoli ansi heilsulaus með Dóra í eitthvað sem átti að vera rómantískur göngutúr en við vorum bara í einhverri kremju í mannmergðinni allan tímann. Samt æði. Hitti auðvitað Jónsa og Ólu ásamt Regínu þar Maður hittir ALLTAF einhverja sem maður þekkir. Við Dóri rákumst líka á Sigmund Davíð og spúsu á Strædet. Köben er minni en litla Reykjavík stundum.
Blue Cheese borgari á Chili, glögg og æbleskiver, julebryg, Bagel Co.Strædet og Strikið, Bredgade og Frederiksberg…..
æh þetta var bara æði. nokkrar myndir hér.
Ég er semsagt komin heim vei vei vei vei vei vei!!
strembinn dagur í dag. fór í skólann kl.9:30 og kom aftur heim klukkan 20:00 um kvöldið. “Skilaði” lokaverkefni í leikhúsfræðikúrsinum mínum – það var semsagt í formi uppsetningar með hóp, ég var í hóp með yndislegu fólki og mjög hæfileikaríku svo þetta ferli var allt mjög gaman. Og jú tímafrekt, við æfðum og æfðum og æfðum og pældum og pældum. Við stúderuðum senur í leikritum Lars Norén sem er sænskt leikritaskáld og alvarlega truflaður að mínu mati ef tekið er mið af viðfangsefnum hans – heimilisofbeldi, morð, foreldrar og börn þeirra stunda kynlíf og svo framvegis. Cheerful stuff. Allir hóparnir fluttu svo verkefnið sitt fyrir framan alla hina – svo var sest niður og skálað. Já kennarinn kom með köku og freyðivín og það var skálað af fjórum ástæðum – Eitt: skál fyrir verkefnunum! Tvö: skál fyrir lok annar! Þrjú: skál fyrir Nóbelsræðu Pinter! Fjögur: skál fyrir komandi brúðkaupi kennarans! Við fengum að prufukeyra brúðartertuna sem hann bakaði og skreytti sjálfur. Awwww. Og þau koma í brúðkaupsferð til Íslands næsta sumar
Eldsnemma á laugardagsmorgun flýg ég til Köben. Verð samferða Desiree, sænskri stelpu, en við uppgötvuðum að fyrir algjöra tilviljun erum við í sama flugi. Á tímabili spáði ég hvort það hefði verið vitleysa í mér að fara fyrst til Köben, það væri jú bara peningaeyðsla og hefði kannski betur átt að nota tímann í að læra hér í Leeds.. Svo fékk ég tölvupóst frá Julie og sá að hún er búin að skipuleggja ógurlegt “hygge”, það verður skautað á Kongens Nytorv, farið á jólamarkað í Tívolí og drukkið glögg með eplaskífum. Ég komst í þvílíkt jólaskap við þetta. Held að Köben muni töfra mig alveg á nýjan leik. Og lets face it, ekki séns að ég hefði lært hvort sem er hér í Leeds! Glatað að þurfa svo að læra í jólafríinu. Hef aldrei gert það fyrr. Urg.
Jæja gott fólk, við sjáumst á því ylhýra í næstu viku knús og kossar frá Leeds í bili,
ykkar alltaf
Lovísa
Í apríl á næsta ári rætist einn drauma minna. Ég ákvað nefnilega í dag að hætta að láta mig dreyma og láta verkin tala. Ég bókaði mig í tveggja vikna ferð um Egyptaland. Ein. Verð þó ekki alein ráfandi um, verð í hóp sem ferðast saman allan tímann og með leiðsögumann, svo maður kynnist því fólki. Ég fékk þetta allt saman á spottprís að mínu mati.
Ég mun meðal annars: Skoða pýramídana og Sphinxinn, fara til Aswan, skoða Abu Simbel hofin, fara í þriggja daga siglingu á Níl, fara til Luxor, skoða hof Hórusar, ferðast um í hestvagni, ferðast um á baki asna í Konungadalinn, ferðast gegnum eyðimörkina og að ströndinni við Rauðahafið, skoða kóralrifin þar, snorkla svolítið..
já ég hugsa sko að þetta verði vel þess virði. VÁ HVAÐ ÉG HLAKKA TIL!!
Nýleg ummæli