Hölt leiðir blinda..

Loksins eru að koma mánaðamót. Það er eiginlega m ólíkindum hvað ég hef verið blönk undanfarið. Gleymdi nefnilega að gera ráð fyrir að borga inná sumarfríið og eyddi nánast öllum aurum sem eftir voru í það í mánuðinum Svo sér maður fram á fullt af útgjöldum núna, klára að borga sumarfríið, klipping, linsur.. kannski ekki svo voðalegt Hef ekki borgað fullt verð fyrir klippingu í möööörg ár þar sem ég þekki alltaf einhvern í bransanum sem er tilbúinn til að klippa mig og fá vasapening undir borðið fyrir.. en nú er Maggi klippari farinn í Leiklistarskólann og er ekki að klippa.. waaaa.. svo ég held að ég neyðist bara til að fara að borga eins og annað fólk!

Fékk svimandi háan símareikning. Þarf að fara að tsjilla aaaaðeins á smsunum heheheh.. reyndar var London ferðin inní þessu og svona.. en samt! Þetta má ekki gerast aftur.

Gærkvöldið var gott. Við gurr og eibs fórum í gymmið, þar var skokkað á hlaupabrettinu.. með sólheimaglott á vörunum af því að horfa á skjáina á meðan heheheh ýkt fyndið að líta yfir salinn, fólk í sínum eigin heimi hálfbrosandi eins og fífl glápandi útí loftið. Svo er maður engu skárri. Svo fórum við í Árbæjarlaugina í pottinn og létum líða úr okkur. Aaaahhh það var svo gott. Og langt síðan ég hef farið í sund að kvöldi til. Þá er bara stappa af ungu fólki í lauginni. Jújú sýna sig og sjá aðra. Við sátum og upphugsuðum verkefni/veðmál sem þarf að uppfyllast fyrir ferðina okkar.. ég fékk mjög kvikindislegt verkefni sem ég efast um að mér takist að uppfylla hehehe.. eða efast um að ég VILJI uppfylla réttara sagt! En verðlaunin eru vegleg, kokkteill og skot frá each and every one! Þegar við vorum orðnar mauksoðnar og þreyttar í brosvöðvunum fórum við og fengum okkur bjór á Kaffi Borg. Þar er stór bjór á 490 kr. Ekki slæmt.

Kræst, það er ekkert verið að hafa fyrir því að hita húsið!! RÚV er klakahöll. Ég er að frjósa úr kulda. Var nú verri í gær, þá voru puttarnir á mér ískaldir og ég gat varla pikkað á tölvuna.. Svo undanfarið er ég búin að vera eins og Grýla í útliti, hárið útum allt.. eitthvað glaaaaatað sjampó á heimilinu sem hárið mitt er ekki að meika. Það stendur bara úfið og strítt allt uppí loftið og ég fæ engu ráðið. Smart. Hlakka líka bara svo til að mega fara í klippingu. Það er sýning á fimmtudag og svo ekki fyrr en eftir páska og ég bara ÆTLA að fara í klippingu, þetta bara gengur ekki lengur.

Horfði á Big Blue í gær. Hef ekki séð hana í nokkur ár.. keypti hana á DVD í október en ekki náð að horfa.. ahhhhh þetta er svo æææðisleg mynd.. og var nánast búin að gleyma hversu yfirnáttúrulega fallegur Jean-Marc Barr er *sigh* bara sko HELLOOOOOO hvernig er hægt að vera svona fallegur…. Spyrjið hvaða konu sem er sem hefur séð Big Blue og það er 100% öruggt að henni finnist hann bjútí!! Luc Besson er líka bara snillingur, einn af mínum uppáhaldsleikstjórum.. nokkrar af hans myndum eru í uppáhaldi hjá mér.. Big Blue, Leon og The Fifth Element í sérstöku uppáhaldi.. græt alltaf úr mér augun yfir Leon. Hinir uppáhalds leikstjórarnir eru Tim Burton og Baz Luhrmann. Sem minnir mig á það að ég er ekki enn búin að sjá The Big Fish. Ekki nógu gott mál. Verð að skella mér á hana í hvelli. Hef bara ekki farið í bíó nema einu sinni síðan ég flutti heim, þá sá ég Return of the King. Þetta skrifast á tímaleysi

Í dag er þriðjudagur. Þá er mamma í vondu skapi. Best að sneiða vandlega framhjá henni í dag.. og reyna að láta bara fara lítið fyrir sér

Helgin yfirstaðin. Óvenju róleg helgi miðað við þær sem á undan eru gengnar. Einhvern veginn virtist þessi helgi hafa gleymst í skipulagningunni og ég átti bara frí alla helgina, engin kóræfing eða neitt. Lúxus.

Við Arnbjörg og Kristín hittumst þó á laugardagskvöldið. Tróðum okkur út af víni og ostum mmmmmmmmm… ýkt gott!! Slúðruðum helling og skemmtum okkur stórvel. Urðum sammála um að það þyrfti að draga saumaklúbbinn oftar út á djammið.. svona þegar hann fer að skila sér til landsins. Ha stelpur, what you say, Guðrún, Birna og Sigga? Fórum á Hverfisbarinn og vorum fullar og vitlausar, mjög gaman. Vöfðum karlmönnunum um fingur okkar. Breezerar í bland við hvítvín, mæli ekki með því, var með þvílíka hausverkinn daginn eftir.

Rokkstig helgarinnar fær Arnbjörg. She knows why Í öðru sæti er Geiri, sem fær stig fyrir að vera bjargvættur og vinur vina sinna. Þriðja sætið vermir Sæmi, fyrir Breezerana.

Mamma eldaði fyrir ferminguna á sun.. hún gerði indverskan pottrétt, rooosa góðan. En vá, hún þurfti að steikja hálft tonn af lauk og við reyndum eins og við gátum að lofta út og loka öllum hurðum.. en allt kom fyrir ekki. Ég lykta eins og indverskt veitingahús. Sýnist ég þurfa að viðra öll fötin mín. Sem betur fer er þetta þó góður ilmur.. bót í máli!

Í gær fórum við gurr og eibs svo á Rive Gauche, eða Kaffi Borg eins og þetta heitir víst núna.. og spjölluðum um helgina og bara lífið og tilveruna.. Vonandi verður þetta bara vikulegt!

Aaaahhh föstudagur. Fiðringurinn liggur í loftinu. Eftirvæntingin eftir helginni leynir sér ekki. Hvaða ævintýri bíða manns handan við hornið? Da da dammmmmmmm… Langar að dansa! Það er svo gaman vei vei vei

Gærkvöldið mjög fróðlegt. Það var semsagt textarennsli á Smúrtsinum. Ég hef aldrei farið á textarennsli áður.. og held enginn af hinum leikurunum heldur. Eníveis, sátum semsagt fimm heima hjá Huld, hámuðum í okkur M&M, lakkrísreimar og saltstangir og drukkum kók með og töluðum í gegnum leikritið ekkert smá furðulegt!! Þetta var eins og saumaklúbbur þar sem væri búið að ákveða fyrirfram hvað ætti að segja! og oft urðu þetta eins og alvöru fjölskylduumræður.. “hvað áttu við, varst þú í sérherbergi?” “já, ég var í sérherbergi, á móti ykkur, við hliðina á litlu stofunni…” hehehhehehe.. mjöööög fyndið. Svo settum við inn lög og breyttum þessu í söngleik. Skemmtum okkur konunglega. Allir fóru brosandi út og m illt í maganum af áti.

Fór og sótti mömmu til systur hennar í gærkvöldi.. systirin semsagt að fara að ferma á sun.. og allt í hers höndum heima hjá henni þar sem veislan verður haldin. Þegar ég kom voru hvorki meira né minna en FIMM konur að skipuleggja EINA BORÐSKREYTINGU hehehehe.. við kvenfólk erum ótrúlegar stundum.. alveg að leggja einn dúk á borðið og svoleiðis. Var þarna í klukkutíma og þetta var rætt fram og tilbaka ALLAN tímann (og hafði verið í gangi áður en ég kom).. það var komin niðurstaða á endanum hehehe

Jæja, það sem hvíldi á mér í morgun hefur reddast vei vei. Almættið passar uppá mig. En það þýðir ekki að ég ætli að gleyma lexíunni ónei. Ég tek upp mottóið, stolnu frá Christinu Aguilera, TRUST THE VOICE WITHIN!

og svo hefur gerst gleðiatburður.. ÉG STÓÐST GREIÐSLUMATIÐ MEÐ STÆL vei vei vei.. fékk mat uppá töluvert meira en ég þurfti svo ég er barasta heví sátt. Nú bara ætti að vera lítíð því til fyrirstöðu að allt gangi upp og ég flytji inn á Sólvallagötu 37. Jibbííííí.

Var að fatta að ég á frí um páskana. Það eru allir búnir að vera að spyrja hvort ég ætli að gera eitthvað um páskana og ég hef einhvern veginn aldrei skilið spurninguna. Nú skil ég! ég á actually frí um páskana!!!!!! ég hef alltaf verið að vinna, frídagar skipta ekki rass máli á fréttastofunni, sama hvort það er miðvikudagur eða jóladagur þá er alveg sama vinnuvaktin. Bara betri matur í mötuneytinu á frídögum. Og þegar maður var í skóla, jájá frí svosum en feik frí því maður átti að lesa eins og vindurinn undir próf. Þannig að ég græddi núna frí vei vei vei.. langar alveg að gera eitthvað. Ísafjörður kannski of kostnaðarsamur.. væri djöfull til í að skella mér í bústað.. svo gæti verið að bara Reykjavíkin verði freistandi, kannski fær maður freistandi tilboð um að gera hluti hér.. who knows.

Í gærkvöldi ákvað ég að gleyma erfiðum seinniparti úr degi.. hvort sem er ekkert sem ég gat gert til að laga stöðuna. Fór með Gurrý og Arnbjörgu á Prikið, þar var LIVE kvöld og ódýr bjór, eða 250 kall flaskan af Víking. Mjög gott mál. Notaði tækifærðið og viðraði Russian Red MAC glossinn minn.. en hann er æpandi rauður og ég hef ekki haft kjark í að nota hann hingað til.

Dagurinn í dag verður líka erfiður. Nú hvílir skuggi á mér sem er að skemma gleði mína undanfarið. Ég mun læra af mistökum mínum. Alltaf að treysta eigin instincts og ekki vera of grænn og góður og vilja treysta öðrum. Maður á það illilega á hættu að fá það í hausinn aftur. Bara trúa á það sem innri rödd hvíslar að manni. Þá fer allt vel. Héðan af geri ég það.